BBC News, සිංහල - මුල් පිටුව
ප්‍රධාන පුවත
මූල්‍ය වංචා චෝදනාවකට අත්අඩංගුවට ගත් උපුල් ශාන්ත සන්නස්ගල ඇප මත මුදාහරියි
උදෑසන අත්අඩංගුවට ගත් උපුල් ශාන්ත සන්නස්ගල ඇප මත මුදාහැර තිබේ.ඔහු ඇප මත මුදා හැරුණේ, කඳාන පොලීසිය විසින් ඔහු වැලිසර මහේස්ත්‍රාත් අධිකරණය වෙත ඉදිරිපත් කරනු ලැබීමෙන් අනතුරුව ය. මේ අතර, ඇප මත මුදා හැරීමෙන් සුළු වේලාවකට පසු ඔහු සිය ෆේස්බුක් පිටුව ඔස්සේ සජීවීව අදහසක් පළ කළේ ය. කෙසේ වෙතත් එහිදී අත්අඩංගුවට පත්වීම පිළිබඳව කිසිදු අදහසක් පළ කළේ නැත.
වීඩියෝ, රිලවියන්ට 'ලූප්' දමා රිලා ගහනය පාලනයට නව උත්සාහයක්ධාවන කාලය, 2,18
වගා කටයුතුවලට මෙන්ම ජන ජීවිතයට ගැටලුවක් වී ඇති රිලවුන්ගේ ගහනය පාලනය සඳහා ගැහැණු සතුන්ට 'ලූප්' දැමීමේ පර්යේෂණයක් පේරාදෙණිය විශ්වවිද්‍යාලයේ පශු වෛද්‍ය පීඨය ආරම්භ කර තිබේ. ඒ අනුව උපත් පාලනය සඳහා කාන්තාවන් භාවිත් කරන 'ලූප්' අවශ්‍ය ලෙස වෙනස්කම් කර රිලවියන්ට දැමීම සිදු කෙරේ.
වීඩියෝ, කොලොම්බියා විශ්ව විද්‍යාලය ගාසා යුද විරෝධතා පිටියක් බවට පත්වූයේ කෙසේ ද?ධාවන කාලය, 1,38
සමූහ අත්අඩංගුවට ගැනීම් සහ විනය ක්‍රියාමාර්ග නොතකා, තම ඉල්ලීම් ඉටු වන තුරු කොලොම්බියා විශ්ව විද්‍යාල භූමියේ රැඳී සිටින බවට ගාසා යුද විරෝධතාකරුවන් ප්‍රතිඥා දී තිබේ. පසුගිය සතියේ නිව් යෝර්ක් නගරයේ පිහිටි මෙම විශ්ව විද්‍යාලයේ විරෝධතා කඳවුරකදී සිසුන් 100 කට වැඩි පිරිසක් අත්අඩංගුවට ගැණුනි.
Fox Hill අනතුර: සාමාන්‍ය මාර්ග නීති මෝටර් රථ ධාවන තරගයකටත් අදාළ කර ගත හැකි ද?
දියතලාව 'Fox Hill Supercross 2024' මෝටර් ධාවන තරගය අතුරතුර පුද්ගලයින් 7 දෙනෙකුට මරු කැඳවමින් සිදුවූ අනතුර සම්බන්ධයෙන් අත්අඩංගුවට ගත් මෝටර් රථ ධාවන තරගකරුවන් දෙදෙනා බදාදා (අප්‍රේල් 24) ඇප මත මුදාහැරිණි.තරගකරුවන් වෙනුවෙන් පෙනී සිටි නීතිඥයින් තර්ක කරන්නේ, මෝටර් රථ ධාවන තරගයක් අතරතුරදී සාමාන්‍ය මාර්ග නීති පද්ධතිය අනුව කටයුතු කළ නොහැකි බවට ය.
උමා ඔය ව්‍යාපෘතියේ ටර්බයින් යන්ත්‍ර 'දසුනි' සහ 'චුලෝචනා' ලෙස නම් කෙරුණේ ඇයි? - දසුනි කතා කරයි
උමා ඔය බහුකාර්ය සංවර්ධන ව්‍යාපෘතිය ඊයේ (අප්‍රේල් 24) ඉරාන ඉස්ලාමීය ජනරජයේ ජනාධිපති ආචාර්ය ඊබ්‍රහිම් රයිසි සහ ශ්‍රී ලංකා ජනාධිපති රනිල් වික්‍රමසිංහගේ ප්‍රධානත්වයෙන් ජනතා අයිතියට පත් කෙරිණි. මෙම ව්‍යාපෘතිය විවෘත කිරීමත් සමග ශ්‍රී ලාංකික කාන්තාවන් දෙදෙනෙකු පිළිබඳව විශේෂ අවධානයක් යොමු වී තිබේ. ඒ කාන්තාවන් දෙදෙනා 'දසුනි' සහ 'සුලෝචනා' ය.
ශ්‍රී ලංකාව
ලෝකය
ක්‍රීඩා
වීඩියෝ
විශේෂාංග
ඊබ්‍රහිම් රයිසි: මැද පෙරදිග යුද උණුසුම මැද ඉරාන ජනපති ශ්‍රී ලංකාවට පැමිණියේ ඇයි ?
මැදපෙරදිග පවතින යුද උණුසුම මැද එහි ප්‍රබල පාර්ශවකරුවෙකු වන ඉරාන ඉස්ලාමීය ජනරජයේ ජනාධිපති ආචාර්ය ඊබ්‍රහිම් රයිසි අද (අප්‍රේල් මස 24 වෙනිදා) පෙරවරුවේ ශ්‍රී ලංකාවේ නිල සංචාරයක් සඳහා පැමිණියේය. ඒ, ජනාධිපති රනිල් වික්‍රමසිංහගේ ආරාධනයකට අනුව ය.
මෙරට දරුවන්ගේ නිරුවත් ෆොටෝ, වීඩියෝ ලක්ෂ ගණනක් ගැන ජාත්‍යන්තර වාර්තාවක් පොලිසියට
සියලුම සමාජ මාධ්‍යවල හෝ සයිබර් අවකාශයට ළමයෙකුගේ නිරුවත් ඡායාරූප, වීඩියෝ දර්ශන යම් පුද්ගලයෙකු විසින් මුදාහරින්නේ නම්, සමාජ මාධ්‍ය තුළ බෙදාහරින්නේ නම් හෝ එවැනි වීඩියෝ නිතර නිතර නරඹනවා නම් එම තොරතුරු අදාළ සමාජ මාධ්‍ය තුළින් සහ සයිබර් අවකාශයේ අනෙකුත් සේවා සපයන ආයතන විසින් NCMEC දත්ත පද්ධතිය වෙත යොමු කෙරේ. පසුව එම දත්ත පද්ධතිය විසින් එම තොරතුරු අදාළ අපරාධකරුවන් සහ වින්දිත දරුවන් සිටින රටවල්වලට යොමු කරනු ලබන අතර ශ්‍රී ලංකා පොලිසියේ ළමා හා කාන්තා අපයෝජන නිවාරණ කාර්යාංශය ද එම දත්ත පද්ධතිය සමග සමීපව කටයුතු කරනු ලබයි.
'Fox Hill Supercross 2024' ධාවන තරගය: දියතලාවේ දී සිදුවූ අනතුරට හේතුව කුමක්ද ?
සිදුවූ රිය අනතුර සම්බන්ධයෙන් පුද්ගලයින් දෙදෙනෙකු මේ වන විට පොලීසිය විසින් අත්අඩංගුවට ගෙන තිබේ.එලෙස අත්අඩංගුවට ගනු ලැබුවේ එම ෆොක්ස් හිල්-2024 මෝටර් රථ ධාවන තරගයට සහභාගි වූ රියැදුරන් දෙදෙනෙකු බව පොලිස් මාධ්‍ය කොට්ඨාශය බීබීසී සිංහල සේවයට පැවසීය. එලෙස අත්අඩංගුවට පත්වූ රියැදුරන් දෙදෙනා දියතලාව රෝහලේ ප්‍රතිකාර ගනිමින් සිටින අතර ඔවුන් දෙදෙනාව රෝහලට ගොස් පරික්ෂා කිරීමෙන් අනතුරුව බණ්ඩාරවෙල මහේස්ත්‍රාත්වරයා විසින් මෙම මස 30 වෙනිදා දක්වා රක්ෂිත බන්ධනාගාර ගත කරන ලෙස නියෝග කළ බව ද පොලිස් මාධ්‍ය ප්‍රකාශක කාර්යාලය පවසන ලදී.
අවුරුදු ගීතයක් විකෘති කිරීම: 'මෙවැනි දේවල් නැවත සිදු නොවෙන්න පියවර ගත යුතුයි' - රෝහණ බැද්දගේ
රවීණ ගායන ශිල්පී රෝහණ බැද්දගේ ගායනා කළ ‘සූරිය මංගල්ලේ’ ගීතය විකෘති කර සමාජ මාධ්‍ය හරහා ප්‍රචාරය කළ බවට සැකපිට අත්අඩංගුවට ගත් සුරාබදු නිලධාරියාගේ රාජකාරි තාවකාලිකව තහනම් කිරීමට පියවර ගත් බව සුරාබදු දෙපාර්තමේන්තුවේ මාධ්‍ය ප්‍රකාශක සුරාබදු කොමසාරිස් (නීති ක්‍රියාත්මක කිරීම්) නීතිඥ චන්න වීරක්කොඩි පැවසීය. ඔහු සඳහන් කළේ, අදාළ සිදුවීම සම්බන්ධයෙන් අභ්‍යන්තර පරීක්ෂණයක් ද ආරම්භ කර ඇති බව ය.
දෙමාපියන්ට, ගුරුවරුන්ට දරුවන්ගේ ඡායාරූප සමාජ මාධ්‍යවල පළ කළ හැකි ද?
'ළමයා යන්නෙන් වයස අවුරුදු 18ට අඩු තැනැත්තෙකු අදහස් වන' බව 2024 අංක 9 දරන මාර්ගගත ක්‍රමවල සුරක්ෂිතභාවය පිළිබඳ පනතෙහි නිර්වචනය කර තිබේ. ළමුන්ගේ ඡායාරූප ෆේස්බුක් ඇතුළු සමාජ මාධ්‍යවල පළ කිරීම හරහා විවිධ ළමා අපයෝජන සිදු විය හැකි බව විශේෂඥ මතයයි.